2015 جىلعى 18 جەلتوقسان, استانا قالاسى
اۋماقتىق كلاستەرلەردى كونكۋرستىق ىرىكتەۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ 2015 جىلعى 29 قازانداعى كاسىپكەرلىك كودەكسىنىڭ 100-بابى 2-تارماعىنىڭ 23) تارماقشاسىنا سايكەس, بۇيىرامىن:
1. قوسا بەرىلىپ وتىرعان اۋماقتىق كلاستەرلەردى كونكۋرستىق ىرىكتەۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ستراتەگيالىق جوسپارلاۋ دەپارتامەنتى (ب.ت. بەكەنوۆ):
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن ءوتۋىن;
2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىندە, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا رەسمي جاريالاۋعا ونىڭ كوشىرمەلەرىن باسپا جانە ەلەكتروندىق تۇردە جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردىڭ ۇسىنىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ جەتەكشىلىك ەتەتىن ۆيتسە-مينيسترىنە جۇكتەلسىن.
4. وسى بۇيرىق ونىڭ العاش رەسمي جاريالانعان كۇنىنەن باستاپ قولدانىسقا ەنگىزىلەدى جانە 2016 جىلعى 1 قاڭتاردان باستاپ تۋىنداعان قۇقىقتىق قاتىناستارعا قولدانىلادى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ.
«كەلىسىلگەن»
قازاقستان رەسپۋبليكاسىنىڭ اۋىل شارۋاشىلىعى ءمينيسترى
_______________ ا.مامىتبەكوۆ
2015 ج. 18 جەلتوقسان
«كەلىسىلگەن»
قازاقستان رەسپۋبليكاسىنىڭ ءبىلىم جانە عىلىم ءمينيسترى
_______________ ا. ءسارىنجىپوۆ
2015 ج. 19 جەلتوقسان
«كەلىسىلگەن»
قازاقستان رەسپۋبليكاسىنىڭ دەنساۋلىق ساقتاۋ جانە
الەۋمەتتىك دامۋ ءمينيسترى _______________ ت. دۇيسەنوۆا
2015 ج. 21 جەلتوقسان
«كەلىسىلگەن»
قازاقستان رەسپۋبليكاسىنىڭ قارجى ءمينيسترى
_______________ ب. سۇلتانوۆ
2015 ج. 22 جەلتوقسان
«كەلىسىلگەن»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
_______________ ە. دوساەۆ
2015 ج. 23 جەلتوقسان
«كەلىسىلگەن»
قازاقستان رەسپۋبليكاسىنىڭ ەنەرگەتيكا ءمينيسترى
_______________ ۆ. شكولنيك
2015 ج. 24 جەلتوقسان
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 18 جەلتوقسانداعى №1212 بۇيرىعىمەن بەكىتىلدى
اۋماقتىق كلاستەرلەردى كونكۋرستىق ىرىكتەۋ قاعيدالارى
1. جالپى ەرەجەلەر
1. وسى اۋماقتىق كلاستەرلەردى كونكۋرستىق ىرىكتەۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 2015 جىلدىڭ 29 قازانداعى كاسىپكەرلىك كودەكسىنىڭ 100-بابى 2-تارماعىنىڭ 23) تارماقشاسىنا سايكەس ازىرلەندى جانە اۋماقتىق كلاستەرلەردى كونكۋرستىق ىرىكتەۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) اۋماقتىق كلاستەر – تۇپكى نەمەسە ارالىق تاۋارلار مەن كورسەتىلەتىن قىزمەتتەردى وندىرۋشىلەردى, جيىنتىقتاۋشىلاردى, مامانداندىرىلعان كورسەتىلەتىن قىزمەتتەردى بەرۋشىلەردى, وندىرىستىك جانە وزگە دە جابدىقتاردى وندىرۋشىلەردى, مامانداندىرىلعان ينفراقۇرىلىمدى جەتكىزۋشىلەردى, عىلىمي جانە زەرتتەۋ ۇيىمدارىن, جوعارى ءبىلىم بەرۋ ۇيىمدارىن, تەحنيكالىق جانە كاسىپتىك ءبىلىم بەرۋ ۇيىمدارىن جانە بەلگىلى ءبىر سالالىق ماماندانۋى بار باسقا ۇيىمداردى قامتيتىن ءوزارا بايلانىسقان جانە ءبىرىن-ءبىرى ءوزارا تولىقتىراتىن كومپانيالار مەن ۇيىمداردىڭ گەوگرافيالىق جاعىنان شوعىرلانعان توبى;
2) اۋماقتىق كلاستەردى دامىتۋدىڭ جول كارتاسى – بۇل اۋماقتىق كلاستەردى دامىتۋ ستراتەگياسىنىڭ العا قويىلعان ماقساتتارعا قول جەتكىزۋ جونىندەگى ءىس-شارالار جوسپارى;
3) اۋماقتىق كلاستەردى دامىتۋ ستراتەگياسى – اۋماقتىق كلاستەردى دامىتۋدىڭ ۇزاق مەرزىمدى ساپالى بەلگىلى ءبىر باعىتىن كورسەتەتىن, قىزمەتىنىڭ سالاسىنا, قۇرالدارى مەن نىساندارىنا, اۋماقتىق كلاستەر ىشىندەگى ءوزارا قاتىناستار جۇيەسىنە قاتىستى قۇجات;
4) اۋماقتىق كلاستەردى دامىتۋ جونىندەگى تۇجىرىمداما – اۋماقتىق كلاستەردى دامىتۋ پايىمىن, قىزمەتتىڭ ءتيىستى باعىتتىلىعىنىڭ نەگىزدەمەسىن كورسەتەتىن جانە ونى ىسكە اسىرۋ جونىندەگى نەگىزگى قاعيداتتار مەن تاسىلدەردى قامتيتىن قۇجات;
5) اۋماقتىق كلاستەرلەردى ىرىكتەۋ جونىندەگى كونكۋرستى ۇيىمداستىرۋشى (بۇدان ءارى – كونكۋرستى ۇيىمداستىرۋشى) – يندۋستريالىق-يننوۆاتسيالىق قىزمەتتى مەملەكەتتىك قولداۋ سالاسىنداعى ۋاكىلەتتى ورگان;
6) كونكۋرستىڭ ءبىرىنشى كەزەڭىنە قاتىسۋشىلار – وڭىرلىك كاسىپكەرلەر پالاتالارى, الەۋمەتتىك-كاسىپكەرلىك كورپوراتسيالار, ارنايى ەكونوميكالىق ايماقتاردىڭ باسقارۋشى كومپانيالارى, بيزنەس-قاۋىمداستىقتار;
7) كونكۋرستىڭ ەكىنشى كەزەڭىنە قاتىسۋشىلار – كونكۋرستىڭ ءبىرىنشى كەزەڭىنىڭ جەڭىمپازدارى, اۋماقتىق كلاستەردىڭ بارلىق قاتىسۋشىلارىنىڭ مۇددەلەرىن بىلدىرەتىن كلاستەرلىك قاۋىمداستىقتار;
8) قازاقستان رەسپۋبليكاسى ۇكىمەتىنىڭ جانىنداعى قازاقستان رەسپۋبليكاسىن ونەركاسىپتىك دامىتۋ جونىندەگى كوميسسيا (بۇدان ءارى – كوميسسيا) – قازاقستان رەسپۋبليكاسىن ونەركاسىپتىك دامىتۋ سالاسىنداعى ۇسىنىستاردى ازىرلەۋ ماقساتىندا قۇرىلعان كونسۋلتاتيۆتىك-كەڭەسشى ورگان;
9) ساراپشىلىق كەڭەس – قۇرامىنا يندۋستريالىق دامۋ سالاسىنداعى تاۋەلسىز ساراپشىلار كىرەتىن, ۇلتتىق ينستيتۋت قۇراتىن كونسۋلتاتيۆتىك-كەڭەسشى ورگان;
10) ۋاكىلەتتى ورگان – كلاستەردىڭ ماماندانۋىنا سايكەس كەلەتىن سالادا سالالىق مەملەكەتتىك رەتتەۋدى جۇزەگە اسىراتىن ورتالىق اتقارۋشى ورگان;
11) ۇلتتىق ينستيتۋت – يندۋستريانى دامىتۋ سالاسىنداعى ۇلتتىق ينستيتۋت.
2. اۋماقتىق كلاستەرلەردى كونكۋرستىق ىرىكتەۋ ءتارتىبى
3. اۋماقتىق كلاستەرلەردى كونكۋرستىق ىرىكتەۋدەن وتكىزۋ (بۇدان ءارى –كونكۋرس) تۋرالى شەشىمدى كونكۋرستى ۇيىمداستىرۋشى قابىلدايدى. كونكۋرس ەكى كەزەڭدە جۇرگىزىلەدى.
4. كونكۋرستى ۇيىمداستىرۋشى قازاقستان رەسپۋبليكاسىنىڭ اۋماعىندا تارالاتىن رەسمي ءباسپاسوز باسىلىمدارىندا, سونداي-اق كونكۋرستى ۇيىمداستىرۋشىنىڭ رەسمي ينتەرنەت-رەسۋرسىندا كونكۋرستىڭ وتكىزىلەتىنى تۋرالى حابارلاندىرۋدى ورنالاستىرادى.
5. كونكۋرستىڭ وتكىزىلەتىنى تۋرالى حابارلاندىرۋ كونكۋرستىق ىرىكتەۋگە قاتىسۋعا ارنالعان وتىنىمدەردى (قۇجاتتامانى) قابىلداۋ مەرزىمى اياقتالعانعا دەيىن كەمىندە كۇنتىزبەلىك 60 (الپىس) كۇن بۇرىن جاريالانادى.
6. اۋماقتىق كلاستەرلەردى ءبىرىنشى كونكۋرستىق ىرىكتەۋگە قاتىسۋعا كونكۋرستىق ءوتىنىم:
1) وسى قاعيدالارعا 1-قوسىمشاعا سايكەس نىسان بويىنشا اۋماقتىق كلاستەرلەردى ءبىرىنشى كونكۋرستىق ىرىكتەۋگە قاتىسۋعا ارنالعان ءوتىنىمدى;
2) وسى قاعيدالارعا 2-قوسىمشادا جازىلعان قۇرىلىمعا سايكەس اۋماقتىق كلاستەردى دامىتۋ جونىندەگى تۇجىرىمدامانى;
3) وسى قاعيدالارعا 3-قوسىمشاعا سايكەس وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ قورىتىندىسىن قامتيدى.
وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ قورىتىندىلارى ءوتىنىم قورىتىندى بەرۋگە تىركەلگەن كۇنىنەن باستاپ 5 (بەس) جۇمىس كۇنى ىشىندە بەرىلەدى.
7. كونكۋرسقا قاتىسۋعا ارنالعان ءوتىنىم قاعاز تاسىعىشتا ەكى دانادا – سانى ءبىر داناداعى تۇپنۇسقاسى مەن سانى ءبىر داناداعى كوشىرمەسى جانە ەلەكتروندىق تاسىعىشتا ۇسىنىلادى.
8. كونكۋرسقا قاتىسۋشى تىركەلگەن كونكۋرستىق وتىنىمگە وزگەرىستەر ەنگىزە الادى نەمەسە ونى كونكۋرستىق وتىنىمدەر بەرۋ ءۇشىن بەلگىلەنگەن مەرزىم اياقتالعانعا دەيىن نەگىزدەلگەن سەبەپتەردى بايانداي وتىرىپ, كونكۋرستى ۇيىمداستىرۋشىنى جازباشا حاباردار ەتۋ ارقىلى كەرى قايتارىپ الا الادى.
9. كونكۋرسقا قاتىسۋعا ءوتىنىم ءبىر نەمەسە بىرنەشە پاپكاعا (تومدارعا) توپتاستىرىلىپ, نومىرلەنۋگە ءتيىس. ءوتىنىش پەن ءتيىستى قۇجاتتار ورنالاسقان پاراقتاردى كورسەتە وتىرىپ, ءوتىنىم قۇرامىنا كىرەتىن قۇجاتتار تىزبەسى ءبىرىنشى تىگىلەدى. ءوتىنىم قۇرامىندا بىرنەشە پاپكا (توم) ۇسىنىلعان جاعدايدا, پاپكالاردىڭ (تومداردىڭ) نومىرلەرى جانە تيىسىنشە ءاربىر پاپكاداعى (تومداعى) پاراقتار سانى كورسەتىلەدى.
10. كونكۋرستىق ءوتىنىمدى قابىلداۋعا ارنالعان مەرزىم وتكەن سوڭ ۇسىنىلعان كونكۋرستىق وتىنىمدەر قابىلدانبايدى جانە قارالمايدى.
11. ءبىرىنشى كەزەڭدە كونكۋرسقا قاتىسۋعا ارنالعان وتىنىمدەردى قابىلداۋ مەرزىمى اياقتالعاننان كەيىن 5 (بەس) جۇمىس كۇنىنەن اسپايتىن مەرزىمدە كونكۋرستى ۇيىمداستىرۋشى بەرىلگەن وتىنىمدەردى وسى قاعيدالاردىڭ 6-تارماعىنا سايكەستىگى تۇرعىسىنان تەكسەرەدى. وسى جۇمىستىڭ ناتيجەلەرى حاتتامامەن رەسىمدەلەدى, وندا وتىنىمدەرى ودان ءارى قارالۋعا جاتاتىن كونكۋرسقا قاتىسۋشىلاردىڭ ءتىزىمى كورسەتىلەدى.
12. ەگەر كونكۋرستىق وتىنىمدەر وسى قاعيدالاردىڭ 6-تارماعىنا سايكەس كەلمەسە, سونداي-اق كونكۋرسقا قاتىسۋشى ۇسىنعان ءوتىنىم قۇرامىنداعى قۇجاتتاردا قامتىعان مالىمەتتەردىڭ دايەكتەلمەگەنى بەلگىلەنگەن جاعدايدا, كونكۋرستى ۇيىمداستىرۋشى ءبىرىنشى كەزەڭگە قاتىسۋشىنى جازباشا حاباردار ەتە وتىرىپ, وتىنىمدەردى قايتارادى.
13. ءبىرىنشى كەزەڭدە كونكۋرستى ۇيىمداستىرۋشى كونكۋرستىق وتىنىمدەردى سالا دامۋىنىڭ باسىمدىقتارىنا سايكەستىگى تۇرعىسىنان قورىتىندى بەرۋ ءۇشىن ۋاكىلەتتى ورگانعا جانە قازاقستان رەسپۋبليكاسى ۇكىمەتىنىڭ 2014 جىلعى 28 ماۋسىمداعى № 728 قاۋلىسىمەن بەكىتىلگەن وڭىرلەردى دامىتۋدىڭ 2020 جىلعا دەيىنگى باعدارلاماسىنىڭ (بۇدان ءارى – وڭىرلەردى دامىتۋدىڭ 2020 جىلعا دەيىنگى باعدارلاماسى) سايكەستىگى تۇرعىسىنان قورىتىندى بەرۋ ءۇشىن وڭىرلىك دامۋ سالاسىنداعى مەملەكەتتىك ورگانعا جىبەرەدى.
ۋاكىلەتتى ورگاننىڭ سالا دامۋىنىڭ باسىمدىقتارىنا سايكەستىگى تۇرعىسىنان, وڭىرلىك دامۋ سالاسىنداعى مەملەكەتتىك ورگاننىڭ وڭىرلەردى دامىتۋدىڭ 2020 جىلعا دەيىن باعدارلاماسىنا سايكەستىگىنە قورىتىندىلارى قورىتىندى بەرۋگە ارنالعان ءوتىنىم تىركەلگەن كۇننەن باستاپ 10 (ون) جۇمىس كۇنى ىشىندە بەرىلەدى.
14. ۇلتتىق ينستيتۋت كونكۋرستى ۇيىمداستىرۋشى ءۇشىن ۋاكىلەتتى ورگاننىڭ سالا دامۋىنىڭ باسىمدىقتارىنا سايكەستىگى تۇرعىسىنان جانە وڭىرلىك دامۋ سالاسىنداعى مەملەكەتتىك ورگاننىڭ وڭىرلەردى دامىتۋدىڭ 2020 جىلعا دەيىن باعدارلاماسىنا سايكەستىگى تۇرعىسىنان قورىتىندىلارىن جيناۋدى جۇزەگە اسىرادى جانە قاتىسۋشىلار ۇسىنعان اۋماقتىق كلاستەرلەردى دامىتۋ تۇجىرىمدامالارىنا ساراپتاما جۇرگىزۋ ءۇشىن ساراپشىلىق كەڭەستىڭ جۇمىسىن قامتاماسىز ەتەدى.
15. ساراپشىلىق كەڭەستىڭ جۇمىس ءتارتىبىن ۇلتتىق ينستيتۋت بەكىتەدى, بۇل رەتتە ساراپشىلىق كەڭەستىڭ قۇرامىنا يندۋستريالىق دامۋ سالاسىندا كەمىندە 5 (بەس) جىل پراكتيكالىق جۇمىس تاجىريبەسى بار ساراپشىلار ەنگىزىلەدى.
16. اۋماقتىق كلاستەردى دامىتۋ جونىندەگى تۇجىرىمدامانى ساراپشىلىق كەڭەس وسى بۇيرىقپەن بەكىتىلگەن 4-قوسىمشاعا سايكەس اۋماقتىق كلاستەرلەردى كونكۋرستىق ىرىكتەۋ ولشەمشارتتارى (بۇدان ءارى – ولشەمشارتتار) بويىنشا, كونكۋرسقا قاتىسۋعا ارنالعان وتىنىمدەر قابىلداۋ مەرزىمى اياقتالعاننان كەيىن كۇنتىزبەلىك 60 (الپىس) كۇننەن اسپايتىن مەرزىمدە باعالايدى.
17. ۋاكىلەتتى ورگاننىڭ سالا دامۋىنىڭ باسىمدىقتارىنا سايكەستىگى تۇرعىسىنان جانە وڭىرلىك دامۋ سالاسىنداعى مەملەكەتتىك ورگاننىڭ وڭىرلەردى دامىتۋدىڭ 2020 جىلعا دەيىنگى باعدارلاماسىنا سايكەستىگى تۇرعىسىنان قورىتىندىلارى, ساراپشىلىق كەڭەستىڭ ءاربىر اۋماقتىق كلاستەردى دامىتۋ جونىندەگى تۇجىرىمداما بويىنشا جينالعان بالدار كورسەتىلگەن ساراپشىلىق قورىتىندىلارى كونكۋرستى ۇيىمداستىرۋشىعا بەرىلەدى.
18. وتىنىمدەر ماتەريالدارىن, ۋاكىلەتتى ورگاننىڭ سالا دامۋىنىڭ باسىمدىقتارىنا سايكەستىگى تۇرعىسىنان جانە وڭىرلىك دامۋ سالاسىنداعى مەملەكەتتىك ورگاننىڭ وڭىرلەردى دامىتۋدىڭ 2020 جىلعا دەيىنگى باعدارلاماسىنا سايكەستىگى تۇرعىسىنان قورىتىندىلارى مەن ساراپشىلىق قورىتىندىلاردى قاراۋ قورىتىندىلارىن كونكۋرستى ۇيىمداستىرۋشى حاتتامامەن رەسىمدەيدى.
19. كونكۋرستى ۇيىمداستىرۋشىنىڭ ءاربىر اۋماقتىق كلاستەردى دامىتۋ جونىندەگى تۇجىرىمداما بويىنشا جينالعان باللدار كورسەتىلگەن وتىنىمدەر ماتەريالدارىن قاراۋ حاتتاماسى قول قويىلعان كۇنىنەن باستاپ 3 ء(ۇش) جۇمىس كۇنى ىشىندە كوميسسياعا بەرىلەدى.
20. كونكۋرستىڭ ەكىنشى كەزەڭىنە ءوتۋ ءۇشىن اۋماقتىق كلاستەردى دامىتۋ جونىندەگى تۇجىرىمداما بويىنشا كوميسسيا ايقىندايتىن بالداردىڭ ەڭ از ءمانىن جيناۋ كەرەك.
21. كونكۋرستىڭ ءبىرىنشى كەزەڭىنىڭ ناتيجەلەرى بويىنشا قابىلدانعان كوميسسيا شەشىمى كوميسسيا وتىرىسى وتكىزىلگەن كۇننەن باستاپ 3 ء(ۇش) كۇن ىشىندە حاتتامامەن رەسىمدەلەدى.
22. كوميسسيا وتىرىسىنىڭ حاتتاماسىندا اۋماقتىق كلاستەرلەردى دامىتۋ ستراتەگيالارىن جانە جول كارتالارىن دايىنداۋعا ارنالعان مەرزىمدەر كورسەتىلەدى.
23. كونكۋرسقا قاتىسۋشى ەكىنشى كەزەڭدە ۋاكىلەتتى ورگانعا قورىتىندى بەرۋ ءۇشىن ءوتىنىمدى جىبەرەدى, ول:
1) وسى قاعيدالارعا 5-قوسىمشاعا سايكەس نىسان بويىنشا اۋماقتىق كلاستەرلەردى كونكۋرستىق ىرىكتەۋدىڭ ەكىنشى كەزەڭىنە قاتىسۋعا ءوتىنىمدى;
2) وسى قاعيدالارعا 6-قوسىمشادا جازىلعان قۇرىلىمعا سايكەس اۋماقتىق كلاستەردى دامىتۋ ستراتەگياسىن;
3) وسى قاعيدالارعا 7-قوسىمشادا جازىلعان قۇرىلىمعا سايكەس اۋماقتىق كلاستەردى دامىتۋدىڭ جول كارتاسىن;
4) ۋاكىلەتتى ورگاننىڭ اۋماقتىق كلاستەردى دامىتۋ ستراتەگياسى جانە جول كارتاسى بويىنشا قورىتىندىسىن;
5) وسى قاعيدالارعا 3-قوسىمشاعا سايكەس وبلىستاردىڭ, رەسپۋبليكالىق ماڭىزى بار قالانىڭ, استانانىڭ, جەرگىلىكتى اتقارۋشى ورگاندارىنىڭ قورىتىندىسىن (كونكۋرستىڭ ءبىرىنشى كەزەڭىنە قاتىسپاعان كونكۋرسقا قاتىسۋشىلار ۇسىنادى) قامتيدى.
24. ۋاكىلەتتى ورگان:
1) كونكۋرستىق ءوتىنىم تىركەلگەن كۇنىنەن باستاپ 3 ء(ۇش) جۇمىس كۇنى ىشىندە وبلىستاردىڭ, رەسپۋبليكالىق ماڭىزى بار قالانىڭ, استانانىڭ مۇددەلى مەملەكەتتىك جانە جەرگىلىكتى اتقارۋشى ورگاندارىنا اۋماقتىق كلاستەردى دامىتۋ ستراتەگياسىن قوسا بەرە وتىرىپ, مەملەكەتتىك قولداۋ شارالارىنىڭ ۇسىنىلۋىن تالاپ ەتەتىن ءىس-شارالاردى كەلىسۋ ءۇشىن اۋماقتىق كلاستەردى دامىتۋدىڭ جول كارتاسىن جىبەرەدى.
وبلىستاردىڭ, رەسپۋبليكالىق ماڭىزى بار قالانىڭ, استانانىڭ مۇددەلى مەملەكەتتىك جانە جەرگىلىكتى اتقارۋشى ورگاندارى اۋماقتىق كلاستەردى دامىتۋدىڭ جول كارتاسىن كەلىپ تۇسكەنى تىركەلگەن كۇننەن باستاپ 5 (بەس) جۇمىس كۇن ىشىندە كەلىسەدى;
2) كەلىپ تۇسكەنى تىركەلگەن كۇننەن باستاپ كۇنتىزبەلىك 20 (جيىرما) كۇن ىشىندە اۋماقتىق كلاستەردى دامىتۋ ستراتەگياسىن جانە جول كارتاسىن:
اۋماقتىق كلاستەردى دامىتۋ جونىندەگى تۇجىرىمداماعا;
وسى قاعيدالارىڭ 6 جانە 7-قوسىمشالارعا سايكەستىگى تۇرعىسىنان قارايدى.
25. ۋاكىلەتتى ورگاننىڭ اۋماقتىق كلاستەردى دامىتۋ ستراتەگياسى جانە جول كارتاسى بويىنشا قورىتىندىسى وسى قاعيدالاردىڭ 28-تارماعىندا كورسەتىلگەن ءىس-شارالاردىڭ قورىتىندىلارى جونىندەگى اقپاراتتى قامتيدى.
26. كونكۋرسقا قاتىسۋشى كونكۋرستى ۇيىمداستىرۋشىعا وسى قاعيدالاردىڭ 23-تارماعىندا كورسەتىلگەن قۇجاتتاردى قوسا بەرە وتىرىپ, كونكۋرستىق ءوتىنىم جىبەرەدى.
27. ەكىنشى كەزەڭدە كونكۋرسقا قاتىسۋعا ارنالعان وتىنىمدەر قابىلداۋ مەرزىمى اياقتالعاننان كەيىن 5 (بەس) جۇمىس كۇنىنەن اسپايتىن مەرزىمدە كونكۋرستى ۇيىمداستىرۋشى بەرىلگەن وتىنىمدەردى وسى قاعيدالاردىڭ 23-تارماعىنا سايكەستىگى تۇرعىسىنان تەكسەرەدى. بۇل جۇمىستىڭ ناتيجەلەرى حاتتامامەن رەسىمدەلەدى, وندا وتىنىمدەرى ودان ءارى قارالاتىن كونكۋرسقا قاتىسۋشىلاردىڭ ءتىزىمى كورسەتىلەدى.
28. ەگەر كونكۋرستىق وتىنىمدەر وسى قاعيدالاردىڭ 23-تارماعىنا سايكەس كەلمەسە, سونداي-اق كونكۋرسقا قاتىسۋشى ۇسىنعان ءوتىنىم قۇرامىنداعى قۇجاتتاردا دايەكسىز مالىمەتتەر بەلگىلەنگەن جاعدايدا, كونكۋرستى ۇيىمداستىرۋشى ونى جازباشا حاباردار ەتە وتىرىپ, كونكۋرستىق وتىنىمدەردى قايتارادى.
29. ۇلتتىق ينستيتۋت كونكۋرستى ۇيىمداستىرۋشى ءۇشىن كونكۋرستىڭ ءبىرىنشى كەزەڭىنە قاتىسپاعان كونكۋرسقا قاتىسۋشىلار بەرگەن وڭىرلىك دامۋ سالاسىنداعى مەملەكەتتىك ورگاننىڭ وڭىرلەردى دامىتۋدىڭ 2020 جىلعا دەيىنگى باعدارلاماسىنا سايكەستىگىنە قورىتىندىلارىن جيناۋدى, اۋماقتىق كلاستەرلەردى دامىتۋ ستراتەگيالارىنا جانە جول كارتالارىنا تالداۋ جۇرگىزۋ جونىندەگى ساراپشىلىق كەڭەستىڭ جۇمىسىن جۇزەگە اسىرادى.
30. كونكۋرستىڭ ءبىرىنشى كەزەڭىنە قاتىسپاعان كونكۋرسقا قاتىسۋشىلاردىڭ وڭىرلىك دامۋ سالاسىنداعى مەملەكەتتىك ورگاننىڭ وڭىرلەردى دامىتۋدىڭ 2020 جىلعا دەيىنگى باعدارلاماسىنا سايكەستىگىنە قورىتىندىسى, ساراپشىلىق كەڭەستىڭ قورىتىندىلارى نەگىزىندە اۋماقتىق كلاستەرلەردى دامىتۋ ستراتەگيالارىن جانە جول كارتالارىن تالداۋ كونكۋرستى ۇيىمداستىرۋشىعا بەرىلەدى.
31. كونكۋرستىڭ ءبىرىنشى كەزەڭىنە قاتىسپاعان كونكۋرسقا قاتىسۋشىلاردىڭ كونكۋرستىق وتىنىمدەر ماتەريالدارىن, وڭىرلىك دامۋ سالاسىنداعى مەملەكەتتىك ورگاننىڭ وڭىرلەردى دامىتۋدىڭ 2020 جىلعا دەيىنگى باعدارلاماسىنا سايكەستىگىنە قورىتىندىلارىن قاراۋ قورىتىندىلارىن, ساراپشىلىق كەڭەستىڭ قورىتىندىلارى نەگىزىندە اۋماقتىق كلاستەرلەردى دامىتۋ ستراتەگيالارىن جانە جول كارتالارىن تالداۋدى كونكۋرستى ۇيىمداستىرۋشى حاتتامامەن رەسىمدەيدى.
32. كونكۋرستىق وتىنىمدەردى قاراۋ قورىتىندىلارى بويىنشا ماتەريالدار قوسا بەرىلگەن, كونكۋرستى ۇيىمداستىرۋشى وتىرىسىنىڭ حاتتاماسى قول قويىلعان كۇنىنەن باستاپ 3 ء(ۇش) جۇمىس كۇنى ىشىندە كوميسسياعا بەرىلەدى.
33. كوميسسيا كونكۋرستىڭ ەكىنشى كەزەڭىنىڭ جەڭىمپازدارىن ايقىنداۋ بويىنشا شەشىم قابىلدايدى جانە اۋماقتىق كلاستەردى دامىتۋدىڭ جول كارتاسىنا سايكەس كلاستەرلىك باستامالاردى قوسا قارجىلاندىرۋ بويىنشا مەملەكەتتىك قولداۋ شارالارىن بەرۋگە ۇسىنىم بەرەدى.
34. كونكۋرستىڭ ەكىنشى كەزەڭىنىڭ ناتيجەلەرى بويىنشا قابىلدانعان كوميسسيا شەشىمى كونكۋرستىڭ ەكىنشى كەزەڭىنىڭ شەڭبەرىندە كوميسسيا وتىرىسى وتكىزىلگەن كۇننەن باستاپ 3 ء(ۇش) جۇمىس كۇنى ىشىندە حاتتامامەن رەسىمدەلەدى جانە كونكۋرستى ۇيىمداستىرۋشىعا جىبەرىلەدى.
35. كونكۋرستى ۇيىمداستىرۋشى كوميسسيا حاتتاماسىن العان كۇننەن باستاپ 3 ء(ۇش) جۇمىس كۇنى ىشىندە كونكۋرستى ۇيىمداستىرۋشىنىڭ رەسمي ينتەرنەت-رەسۋرسىندا كونكۋرستىڭ ناتيجەلەرى تۋرالى حابارلايدى.
36. وسى قاعيدالاردىڭ 6 جانە 7-تارماقتارىنا سايكەس كونكۋرسقا قاتىسۋشى ەكەۋدەن از بولعان جاعدايدا, كونكۋرس وتپەدى دەپ تانىلادى.
37. كونكۋرس وتپەدى دەپ تانىلعان جاعدايدا, كونكۋرستى ۇيىمداستىرۋشى وسى قاعيدالارعا سايكەس كونكۋرستىڭ قايتا وتكىزىلەتىنى تۋرالى (ەكى ايدان كەشىكتىرمەي) حابارلايدى.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 18 جەلتوقسانداعى №1212 بۇيرىعىنا 1-قوسىمشا
نىسان
اۋماقتىق كلاستەرلەردى ءبىرىنشى كونكۋرستىق ىرىكتەۋگە قاتىسۋعا ارنالعان ءوتىنىم
ءوتىنىمدى تىركەۋدى سۇرايمىن:___________________________________________________________________
___________________________________________________________________________________________
___________________________________________________________________________________________
(اۋماقتىق كلاستەردىڭ اتاۋى)
___________________________________________________________________________________________
(اۋماقتىق كلاستەرلەردى كونكۋرستىق ىرىكتەۋگە قاتىسۋ ءۇشىن كونكۋرستىڭ ءبىرىنشى كەزەڭىنە قاتىسۋشىنىڭ اتاۋى)
_____________________________________ _______________________________
_____________________________________ _______________________________
ء(وتىنىش بەرۋشىنىڭ اتىنان قۇجاتتارعا _______________________________
قول قويۋعا وكىلەتتىگى بار ادامنىڭ لاۋازىمى) (ت.ا.ءا.)
وتىنىمدە جازىلعان مالىمەتتەردىڭ دۇرىستىعىن راستايمىن _______________________________
(قولى)
قابىلدادى: قولى: ________, № ______,
_______________________________
ء(وتىنىمدى قابىلداعان ادامنىڭ ت.ا.ءا.) قابىلداۋ كۇنى 20__ جىلعى «___»_______
وسى ءوتىنىمنىڭ كوشىرمەسى ءوتىنىش بەرۋشىگە بەرىلەدى
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 18 جەلتوقسانداعى №1212 بۇيرىعىنا 2-قوسىمشا
اۋماقتىق كلاستەردى دامىتۋ جونىندەگى تۇجىرىمدامانىڭ قۇرىلىمى
اۋماقتىق كلاستەردى دامىتۋ جونىندەگى تۇجىرىمدامانىڭ نەگىزگى ماقساتى – اۋماقتىق كلاستەر دامۋىنىڭ اعىمداعى دەڭگەيىن باعالاۋ جانە بۇل رەتتە وسى دامۋدىڭ ستراتەگيالىق باعىتتارىن جاساپ, ونىڭ بولاشاقتاعى دامۋ الەۋەتىن كورسەتۋ. قوسىمشالاردى ەسەپكە الماعاندا, كولەمى ا4 پىشىمىندەگى 20-25 پاراق.
تۇجىرىمدامانى ەركىن تۇردە ورىنداۋعا بولادى, بىراق ونىڭ مىندەتتى تۇردە مىناداي قۇرىلىمى بولۋعا ءتيىس:
1. كلاستەردىڭ قىسقاشا سيپاتتاماسى. قىسقاشا سيپاتتاما (ا4 پىشىمىندەگى 1-2 پاراق):
1) اۋماقتىق كلاستەردىڭ ورنالاسقان جەرى;
2) اۋماقتىق كلاستەردىڭ سالالىق جانە سالاارالىق تيەسىلىگى;
3) اۋماقتىق كلاستەردىڭ نەگىزگى قاتىسۋشىلارى;
4) اۋماقتىق كلاستەردىڭ قۇرىلۋ مەرزىمدەرى;
5) اۋماقتىق كلاستەردىڭ قارجى-ەكونوميكالىق كورسەتكىشتەرى;
6) قولدانىستاعى قارجىلاندىرۋ كوزدەرى;
7) كونكۋرس شەڭبەرىندە قارجىلاندىرۋ الۋعا نەگىزدەمە.
2. اۋماقتىق كلاستەردى قۇرۋ ماقساتتارى:
1) اۋماقتىق كلاستەردى قۇرۋ ماقساتتارى مەن مىندەتتەرى.
3. قالىپتاستىرىلعان اۋماقتىق كلاستەردىڭ دامۋ دەڭگەيى:
1) كەمىندە التى ءوزارا بايلانىسقان جانە ءبىرىن-ءبىرى ءوزارا تولىقتىراتىن مامانداندىرىلعان كومپانيا مەن ۇيىمنان تۇراتىن شوعىرلانعان توپتىڭ بولۋى;
2) تەحنولوگيالىق تىزبەكتى ۇزارتۋعا باعىتتالعان جوبالاردىڭ بولۋى (تەحنولوگيالىق تىزبەك – تولىق تەحنولوگيالىق تسيكل شەڭبەرىندە تەحنولوگيالىق تىزبەكتىڭ تۇپكىلىكتى ءونىمىن ازىرلەۋ, جاساۋ جانە ىلگەرىلەتۋ جونىندەگى وندىرىستىك جانە وزگە دە قىزمەتتى جۇزەگە اسىراتىن, بيزنەستى بىرلەسىپ جۇرگىزۋ بويىنشا وپەراتسيالاردى ورىنداۋ پروتسەسىندەگى رەتكە كەلتىرىلگەن زاڭدى تۇلعالاردىڭ جيىنتىعى);
3) اۋماقتىق كلاستەردى دامىتۋعا ارنالعان مەنشىكتى جانە/نەمەسە قارىز ينۆەستيتسيالار تۇرىندەگى بيزنەس ينۆەستيتسيالارىنىڭ بولۋى.
4. اۋماقتىق كلاستەردىڭ قۇرىلىمى مەن ماماندانۋى:
1) اۋماقتىق كلاستەردىڭ سالالىق جانە سالاارالىق تيەسىلىگى;
2) اۋماقتىق كلاستەردىڭ قۇرىلىمى جانە اۋماقتىق كلاستەردەن تىس ارىپتەستىك بايلانىستار, اۋماقتىق كلاستەردى ينتەرناتسيونالداندىرۋ الەۋەتى.
سالالىق ستاتيستيكانىڭ ۇلتتىق جانە حالىقارالىق كوزدەرىنە سايكەس الەم نەمەسە ەۋرازيالىق ەكونوميكالىق وداق اۋقىمىندا ءتيىستى سالانىڭ سوڭعى ءۇش جىلداعى ساۋدا, تۇتىنۋ جانە ءوندىرۋ بويىنشا نەگىزگى كورسەتكىشتەرى.
ۇلتتىق ستاتيستيكا ورگاندارىنىڭ دەرەكتەرى بويىنشا ءتيىستى سالاداعى قازاقستان ەكسپورتىنىڭ سوڭعى ءۇش جىلداعى كولەمى.
وزگە تالدامالىق دەرەكتەر – ۇلتتىق جانە حالىقارالىق ۇيىمدار ورىنداعان ماركەتينگتىك جانە وزگە دە زەرتتەۋلەر;
3) اۋماقتىق كلاستەرگە قاتىسۋشىلار ونىمدەرىنىڭ, تاۋارلارى مەن كورسەتىلەتىن قىزمەتتەرىنىڭ قۇنىن جاساۋ تىزبەكتەرى.
5. اۋماقتىق كلاستەردى ودان ءارى دامىتۋ ءۇشىن جاعدايدىڭ بولۋى:
1) قاجەتتى شيكىزات جانە تابيعي رەسۋرستار (سۋ جانە جەر رەسۋرستارى);
2) تالاپ ەتىلەتىن بىلىكتىلىك دەڭگەيى بار ادامي رەسۋرستاردىڭ قولجەتىمدىلىگى;
3) تەحنولوگيالىق تىزبەكتى جانە قاجەتتى ىلەسپەلى كورسەتىلەتىن قىزمەتتەردى قۇرۋعا ارنالعان وندىرىستىك قۋاتتار (كاسىپورىندار);
4) ەنەرگەتيكالىق ينفراقۇرىلىمنىڭ دامىعاندىعى;
5) كولىكتىك جانە ينجەنەرلىك-كوممۋنيكاتسيالىق ينفراقۇرىلىمنىڭ دامىعاندىعى;
6) يننوۆاتسيالىق ينفراقۇرىلىمنىڭ دامىعاندىعى (تەحنوپاركتەر, تەحنولوگيالار ترانسفەرتى ورتالىقتارى);
7) ءبىلىم بەرۋ, عىلىمي جانە زەرتتەۋ ينفراقۇرىلىمىنىڭ بولۋى;
8) حالىقارالىق بايلانىستاردىڭ بولۋى, حالىقارالىق جەتكىزىلىمدەر تىزبەكتەرىنە كىرىستىرۋ;
9) قارجى رەسۋرستارى.
6. اۋماقتىق كلاستەردىڭ وڭىرلىك, ۇلتتىق دامۋ ستراتەگياسىنىڭ باسىمدىقتارىنا جانە قازاقستاننىڭ كلاستەرلىك ساياساتىنا سايكەستىگى:
1) ۇلتتىق باسىمدىقتار:
اۋماقتىق كلاستەردىڭ «قازاقستان رەسپۋبليكاسىن يندۋستريالىق-يننوۆاتسيالىق دامىتۋدىڭ 2015 – 2019 جىلدارعا ارنالعان مەملەكەتتىك باعدارلاماسىن بەكىتۋ تۋرالى جانە «مەملەكەتتىك باعدارلامالار تىزبەسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى № 957 جارلىعىنا تولىقتىرۋ ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2014 جىلعى 1 تامىزداعى № 874 جارلىعىنا سايكەس باسىم سەكتورلاردىڭ جيىنتىعىنا سايكەستىگىن باعالاۋ
2) وڭىرلىك باسىمدىقتار:
اۋماقتىق كلاستەردىڭ وڭىرلىك دامۋ باعدارلامالارىنا سايكەستىگىن باعالاۋ, جەرگىلىكتى اتقارۋشى ورگاندار بەرەتىن باسىمدىقتارعا سايكەستىگى تۋرالى قورىتىندى;
3) اۋماقتىق كلاستەردى دامىتۋدىڭ ماڭىزدىلىعى (وتكەن جىلداردىڭ سەرپىنى نەگىزىندە).
اۋماقتىق كلاستەر كاسىپورىندارىنداعى ءوندىرىس كولەمى جانە اۋماقتىق كلاستەردىڭ بارلىق كاسىپورىندارىنىڭ ەكسپورت كولەمى تۇرعىسىنان ءوزى ورنالاسقان ءوڭىر ءۇشىن جۇمىسپەن قامتىلعانداردىڭ سانى.
تۇتاس العاندا, جۇمىسپەن قامتىلعانداردىڭ سانى, اۋماقتىق كلاستەر كاسىپورىندارىنداعى ءوندىرىس كولەمى جانە اۋماقتىق كلاستەردىڭ بارلىق كاسىپورىندارىنىڭ ەكسپورت كولەمى تۇرعىسىنان ءوزى جاتاتىن سالا ءۇشىن.
7. اۋماقتىق كلاستەردىڭ قاتىسۋشىسى بولۋعا نيەت بىلدىرگەن كومپانيالار مەن ۇيىمداردىڭ سيپاتتاماسى.
ءاربىر كومپانيا/ۇيىم ءۇشىن تولتىرىلادى
اتاۋى
مەكەنجايى كوشە قالا پوشتا كودى
كاپيتالدىڭ ەلدىك تيەسىلىگى
كومپانيانىڭ/ۇيىمنىڭ نەگىزى قالانعان كۇن
نەگىزگى كليەنتتەرى
ەلدىك تيەسىلىگى (وتاندىق/شەتەلدىك كومپانيا/ۇيىم)
جاۋاپتى قىزمەتكەر تەگى اتى لاۋازىمى
تەلەفونى
ۇيالى تەلەفونى
ەلەكتروندىق پوشتاسى
كومپانيا سايتى
ەقجج كوديروۆكاسى نەگىزگى قىزمەتى قوسىمشا قىزمەتى قوسىمشا قىزمەتى قوسىمشا قىزمەتى قوسىمشا قىزمەتى قوسىمشا قىزمەتى
جەكەلەگەن كورسەتكىشتەرى 2010 2011 2012 2013 2014
اينالىم, مىڭ تەڭگە
ەكسپورت, مىڭ تەڭگە
تازا كىرىسى, %
جالپى قوسىلعان قۇن
قىزمەتكەرلەردىڭ ورتاشا سانى
عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا (بۇدان ءارى – عزتكج) تارتىلعان قىزمەتكەرلەردىڭ %-ى
عزتكج-گە ارنالعان شىعىندار, مىڭ تەڭگە
8. اۋماقتىق كلاستەردى دامىتۋدىڭ پەرسپەكتيۆالىلىعى:
1) اۋماقتىق كلاستەردى دامىتۋدىڭ ستراتەگيالىق ماقساتتارى مەن مىندەتتەرى (نىسانالى ينديكاتورلارىن كورسەتە وتىرىپ);
2) نارىقتىق پەرسپەكتيۆالار
3) اۋماقتىق كلاستەردى دامىتۋدان بولاتىن ەكونوميكالىق تيىمدىلىك:
نەگىزگى قىزمەت ءتۇرى بويىنشا ءوندىرىس كولەمىن ارتتىرۋ.
قىزمەتتىڭ جانە ىلەسپەلى وندىرىستەردىڭ نەگىزگى ءتۇرى بويىنشا جۇمىسپەن قامتىلعانداردىڭ ءوسۋى;
4) كلاستەرلىك باستامالاردى قارجىلاندىرۋ بويىنشا ۇسىنىستار;
قارجىلاندىرۋ كوزدەرىنىڭ سيپاتتاماسى:
اۋماقتىق كلاستەردى قۇرۋ بيۋدجەتى (شىعىندار قۇرىلىمىنىڭ ەگجەي-تەگجەيلى سيپاتتاماسى, جەكە ءىس-شارالارعا ارنالعان شىعىندار, سەمينارلار, ادامي رەسۋرستار).
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 18 جەلتوقسانداعى №1212 بۇيرىعىنا 3-قوسىمشا
نىسان
وبلىستاردىڭ, رەسپۋبليكالىق ماڭىزى بار قالانىڭ, استانانىڭ,
جەرگىلىكتى اتقارۋشى ورگاندارىنىڭ قورىتىندىسى
20___ جىلعى «___» ________________ № __________________________
1. ___________________________________________________________
(اۋماقتىق كلاستەردىڭ اتاۋى)
2. مەكەنجايى جانە تەلەفونى ___________________________________________________
وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ
___________________________________________________________ مەملەكەتتىك مەكەمەسى
(اتاۋى)
قاتىسۋشىلاردىڭ بولۋىن/بولماۋىن جانە اۋماقتىق كلاستەردى ۇيىمداستىرۋدىڭ ورىندىلىعىن/ورىنسىزدىعىن راستايدى.
№ كلاستەرگە قاتىسۋشىلار كلاستەرگە قاتىسۋشىنىڭ قىزمەت ءتۇرى
1.
2.
3.
4.
...
وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ مەملەكەتتىك مەكەمەسى (اتاۋى) ____________________________________
(ت.ا.ءا., قولى)
م.و.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 18 جەلتوقسانداعى №1212 بۇيرىعىنا 4-قوسىمشا
اۋماقتىق كلاستەرلەردى كونكۋرستىق ىرىكتەۋ ولشەمشارتتارى
اۋماقتىق كلاستەرلەردى كونكۋرستىق ىرىكتەۋ ءۇشىن ولار مىناداي ولشەمشارتتارعا سايكەس بولۋى قاجەت:
1. قالىپتاسقان اۋماقتىق كلاستەردىڭ دامۋ دەڭگەيى:
1) ءوڭىر ءۇشىن باسىم سالالارداعى ءوزارا بايلانىسقان جانە ءبىرىن-ءبىرى ءوزارا تولىقتىراتىن كومپانيالار مەن ۇيىمدار توبىنىڭ (ۇلەستەس ەمەس كەمىندە 10 زاڭدى تۇلعا) بولۋى;
2) تەحنولوگيالىق تىزبەكتى ۇزارتۋعا باعىتتالعان, پىسىقتالعان جوبالاردىڭ بولۋى;
3) اۋماقتىق كلاستەردى دامىتۋعا بيزنەس ينۆەستيتسيالارىنىڭ بولۋى.
2. وڭىردە اۋماقتىق كلاستەردى ودان ءارى دامىتۋعا ارنالعان جاعدايلاردىڭ بولۋى:
1) قاجەتتى شيكىزات جانە تابيعي رەسۋرستار;
2) ادامي رەسۋرستاردىڭ قولجەتىمدىلىگى;
3) تەحنولوگيالىق تىزبەكتى جانە قاجەتتى ىلەسپەلى كورسەتىلەتىن قىزمەتتەردى قۇرۋعا ارنالعان وندىرىستىك قۋاتتار (كاسىپورىندار);
4) ەنەرگەتيكا ينفراقۇرىلىمىنىڭ دامۋى;
5) كولىك ينفراقۇرىلىمىنىڭ دامۋى;
6) يندۋستريالىق-يننوۆاتسيالىق ينفراقۇرىلىمنىڭ دامۋى;
7) ءبىلىم بەرۋ ينفراقۇرىلىمىنىڭ دامۋى;
8) قارجى رەسۋرستارى.
3. اۋماقتىق كلاستەردى دامىتۋدىڭ ءوزى ورنالاسقان ءوڭىر جانە ءوزى جاتاتىن سالا ءۇشىن:
1) اۋماقتىق كلاستەر كاسىپورىندارىنداعى جۇمىسپەن قامتىلعانداردىڭ سانى, ءونىم ءوندىرىسىنىڭ كولەمى جانە ولاردىڭ ەكسپورتى كولەمى تۇرعىسىنان ءوزى ورنالاسقان ءوڭىر ءۇشىن;
2) تۇتاس العاندا, كلاستەر كاسىپورىندارىنداعى جۇمىسپەن قامتىلعانداردىڭ سانى, ءونىم ءوندىرىسىنىڭ كولەمى جانە ولاردىڭ ەكسپورتىنىڭ كولەمى تۇرعىسىنان ءوزى جاتاتىن سالا ءۇشىن ماڭىزى (الدىڭعى 5 جىلداعى سەرپىننىڭ دامۋى نەگىزىندە).
4. كلاستەردى دامىتۋدىڭ پەرسپەكتيۆالىلىعى:
1) نارىقتىق پەرسپەكتيۆالار;
2) اۋماقتىق كلاستەردى دامىتۋدىڭ:
نەگىزگى قىزمەت ءتۇرى بويىنشا ءوندىرىس كولەمىنىڭ ارتۋى;
نەگىزگى قىزمەت ءتۇرى بويىنشا جانە ىلەسپەلى وندىرىستەردە جۇمىسپەن قامتىلعاندار سانىنىڭ ءوسۋى تۇرىندەگى ەكونوميكالىق تيىمدىلىگى.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 18 جەلتوقسانداعى №1212 بۇيرىعىنا 5-قوسىمشا
نىسان
اۋماقتىق كلاستەرلەردى كونكۋرستىق ىرىكتەۋدىڭ ەكىنشى كەزەڭىنە قاتىسۋعا ءوتىنىم
ءوتىنىمدى تىركەۋدى سۇرايمىن:___________________________________________________________________
___________________________________________________________________________________________
___________________________________________________________________________________________
(اۋماقتىق كلاستەردىڭ اتاۋى)
___________________________________________________________________________________________
(اۋماقتىق كلاستەرلەردى كونكۋرستىق ىرىكتەۋگە قاتىسۋ ءۇشىن كونكۋرستىڭ ءبىرىنشى كەزەڭىنە قاتىسۋشىنىڭ اتاۋى)
_____________________________________ _______________________________
_____________________________________ _______________________________
ء(وتىنىش بەرۋشىنىڭ اتىنان قۇجاتتارعا _______________________________
قول قويۋعا وكىلەتتىگى بار ادامنىڭ لاۋازىمى) (ت.ا.ءا.)
وتىنىمدە جازىلعان مالىمەتتەردىڭ دۇرىستىعىن راستايمىن _______________________________
(قولى)
قابىلدادى: قولى: ________, № ______,
_______________________________
ء(وتىنىمدى قابىلداعان ادامنىڭ ت.ا.ءا.) قابىلداۋ كۇنى 20__ جىلعى «___»_______
وسى ءوتىنىمنىڭ كوشىرمەسى ءوتىنىش بەرۋشىگە بەرىلەدى
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 18 جەلتوقسانداعى №1212 بۇيرىعىنا 6-قوسىمشا
اۋماقتىق كلاستەردى دامىتۋ ستراتەگياسىنىڭ قۇرىلىمى
1. اۋماقتىق كلاستەردىڭ قىسقاشا سيپاتتاماسى.
2. اۋماقتىق كلاستەردى قۇرۋ ماقساتتارى.
3. قالىپتاسقان اۋماقتىق كلاستەردىڭ دامۋ دەڭگەيى.
4. اۋماقتىق كلاستەردىڭ قۇرىلىمى مەن ماماندانۋى.
5. اۋماقتىق كلاستەردىڭ ودان ءارى دامۋى ءۇشىن جاعدايدىڭ بولۋى.
6. اۋماقتىق كلاستەردىڭ وڭىرلىك, ۇلتتىق ستراتەگيانىڭ باسىمدىقتارىنا جانە قازاقستاننىڭ كلاستەرلىك ساياساتىنا سايكەستىگى.
7. اۋماقتىق كلاستەردىڭ قاتىسۋشىسى بولۋعا نيەت بىلدىرگەن كومپانيالار مەن ۇيىمداردىڭ سيپاتتاماسى.
8. اۋماقتىق كلاستەردى دامىتۋدىڭ پەرسپەكتيۆالىلىعى:
1) نارىقتىق ستراتەگيا.
ءوڭىر ەكونوميكاسىن جانە ماقساتتى نارىقتاردى دامىتۋ اياسىندا اۋماقتىق كلاستەردىڭ سالالىق فوكۋسىنىڭ سيپاتتاماسى (جەكە سالالار, نارىقتار, يمپورت جانە ەكسپورت بويىنشا اقپاراتتى قوسا العاندا).
ونىمدەردىڭ, تاۋارلار مەن كورسەتىلەتىن قىزمەتتەردىڭ قۇنىن قۇرۋ تىزبەگىندە جاڭا پوزيتسيالارعا يە بولۋ جونىندەگى ستراتەگيالىق باستامالار.
كليەنتتەر تىزبەسىن كەڭەيتۋ جونىندەگى ستراتەگيالىق باستامالار;
2) يننوۆاتسيالىق ستراتەگيا.
جوبالاۋ جانە/نەمەسە زەرتتەۋ ۇيىمدارىنىڭ ماماندانۋى مەن كورسەتىلەتىن قىزمەتتەرىنىڭ سيپاتتاماسى جانە اۋماقتىق كلاستەردى دامىتۋ ءۇشىن ولاردىڭ وزەكتىلىگى.
اۋماقتىق كلاستەر شەڭبەرىندە جەكە باستامالاردىڭ جانە جوبالاۋ جانە/نەمەسە زەرتتەۋ ۇيىمدارىنىڭ ولاردى ىسكە اسىرۋىنان بولاتىن تىكەلەي ناتيجەلەردىڭ سيپاتتاماسى.
اۋماقتىق كلاستەر ءۇشىن وزەكتى زەرتتەۋ قۇزىرەتتەرىنىڭ بولۋى, ءتيىستى زەرتتەۋشىلەردىڭ قىسقاشا كاسىپتىك دەرەكتەرى.
اۋماقتىق كلاستەردىڭ قاتىسۋشىسى بولىپ تابىلمايتىن, بىراق اۋماقتىق كلاستەردى دامىتۋ ءۇشىن الەۋەتتى ماڭىزى بار جوبالاۋ جانە زەرتتەۋ ۇيىمدارى تۋرالى اقپارات;
3) ادامي رەسۋرستار سالاسىنداعى ستراتەگيا.
وزەكتى ءبىلىم بەرۋ باعدارلامالارى – ءبىلىم بەرۋ ۇيىمدارى ىسكە اسىرعان جانە اۋماقتىق كلاستەردى دامىتۋ ءۇشىن وزەكتى ءبىلىم بەرۋ باعدارلامالارىنىڭ تىزبەسى.
اۋماقتىق كلاستەر ءۇشىن وزەكتى ءبىلىم بەرۋ قۇزىرەتتەرىنىڭ بولۋى, ءتيىستى جاتتىقتىرۋشىلاردىڭ قىسقاشا كاسىپتىك دەرەكتەرى. اۋماقتىق كلاستەردىڭ قاتىسۋشىسى بولىپ تابىلمايتىن, بىراق اۋماقتىق كلاستەردى دامىتۋ ءۇشىن الەۋەتتى ماڭىزى بار ءبىلىم بەرۋ ۇيىمدارى تۋرالى اقپارات;
4) حالىقارالىق ىنتىماقتاستىق جونىندەگى ستراتەگيا.
حالىقارالىق ىنتىماقتاستىق تەتىكتەرىن قۇرۋ.
ەكسپورتتى دامىتۋ جانە قولداۋ.
وكىلدىك فۋنكتسيالار;
5) اۋماقتىق كلاستەردى باسقارۋ جانە دامىتۋ ستراتەگياسى.
اۋماقتىق كلاستەردى ۇيىمداستىرۋدىڭ زاڭدىق نىسانى.
ۇيىمدىق قۇرىلىمنىڭ سيپاتتاماسى (شتاتى, قۇرىلىمى, ىشكى تەتىكتەرى جانە قاعيدالارى).
شەشىمدەردى قابىلداۋ جانە ىسكە اسىرۋ تەتىكتەرى.
اۋماقتىق كلاستەردىڭ كۇشتى, ءالسىز جاقتارىن, مۇمكىندىكتەرى مەن سىن-قاتەرلەرىن تالداۋ.
9. قارجىلاندىرۋ كولەمى مەن كوزدەرى:
1) قاجەتتى قارجى قاراجاتىنىڭ جالپى كولەمى;
2) قارجىلاندىرۋدى تارتۋ قاعيداتتارى;
3) قۇرىلىم بويىنشا جالپى شىعىندار: وپەراتسيالىق, وزگە شىعاسىلار جانە ەڭبەكاقى تولەۋ قورى;
4) الداعى 5 جىلعا ارنالعان توقسان سايىنعى اقشا اعىنى;
5) قارجىلاندىرۋ كوزدەرى:
مەنشىكتى نەمەسە مۇشەلىك جارنالار ەسەبىنەن.
جەرگىلىكتى بيۋدجەت.
رەسپۋبليكالىق بيۋدجەت.
وزگەلەر;
6) ءوزىن-ءوزى قارجىلاندىرۋ پروتسەسىن جانە اۋماقتىق كلاستەردىڭ مەملەكەتتىك قارجىلاندىرۋدى العان كەزىنەن باستاپ 5 جىل ىشىندەگى ورنىقتىلىعىنىڭ سيپاتتاماسى;
7) تاۋەكەلدەردى جانە نارىقتىڭ كونيۋنكتۋرالىق اۋىتقۋلارىنا سەزىمتالدىقتى تالداۋ.
10. اۋماقتىق كلاستەر قىزمەتىنىڭ ناتيجەلەرى:
اۋماقتىق كلاستەر قىزمەتىنىڭ اعىمداعى كەزدەگى نەگىزگى ناتيجەلەرىنىڭ جەكە بلوكتار بويىنشا سيپاتتاماسى:
1) نارىقتىق پوزيتسيا.
اعىمداعى احۋالدىڭ سيپاتتاماسى جانە ونىمدەردى, تاۋارلار مەن كورسەتىلەتىن قىزمەتتەردى وتكىزۋ نارىقتارىنىڭ دامۋ بولجامى.
ءوڭىردىڭ ەكونوميكالىق دامۋىنىڭ باستى سيپاتتامالارى (كەستەلەر, گرافيكتەر, تۇسىندىرمەلەر).
اۋماقتىق كلاستەردىڭ باسەكەلەستىك ۇستانىمىن تالداۋ.
اۋماقتىق كلاستەردىڭ نەگىزگى كليەنتتىك توپتارى;
2) يننوۆاتسيالار.
اۋماقتىق كلاستەردە قۇرىلعان جانە نارىقتا ىسكە اسىرىلعان يننوۆاتسيالاردىڭ سيپاتتاماسى;
3) ادامي رەسۋرستار.
ەڭبەك رەسۋرستارى قۇرىلىمىنىڭ قىسقاشا سيپاتتاماسى (شتاتى, ءبىلىم دەڭگەيى, كادرلاردىڭ ماماندانۋى). اۋماقتىق كلاستەرگە كىرەتىن جانە كلاستەر ءۇشىن كادرلار دايارلايتىن ءبىلىم بەرۋ ۇيىمدارىنىڭ قىسقاشا سيپاتتاماسى (دايىنداۋ باعىتتارى جانە ءبىلىم بەرۋ باعدارلامالارىنىڭ تىزبەسى, باعدارلامالار بويىنشا ءبىلىم الۋشىلار سانى, بىتىرۋشىلەردى ەڭبەككە ورنالاستىرۋ ستاتيستيكاسى);
4) حالىقارالىق ىنتىماقتاستىق.
حالىقارالىق بايلانىستاردىڭ بولۋى, حالىقارالىق جەتكىزىلىمدەر تىزبەگىنە كىرىستىرۋ;
5) اۋماقتىق كلاستەردى باسقارۋ.
ءارتۇرلى مۇددەلەر توپتارى اراسىنداعى جاۋاپكەرشىلىك ايماقتارىن ۇيلەستىرۋ جانە ءبولۋ, ينفراقۇرىلىم جانە بيزنەس-كليمات.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 18 جەلتوقسانداعى №1212 بۇيرىعىنا 7-قوسىمشا
اۋماقتىق كلاستەردى دامىتۋ جول كارتاسىنىڭ قۇرىلىمى
ءىس-شارا اياقتاۋ نىسانى جاۋاپتى ورىنداۋشى جىلدار بويىنشا قارجىلاندىرۋ كولەمى قارجىلاندىرۋ كوزدەرى ورىنداۋ مەرزىمدەرى
1.
2.
3.
كلاستەردى دامىتۋدىڭ جول كارتاسى مىناداي ءىس-شارالاردى قامتيدى:
1. نارىقتىق ستراتەگيانى ىسكە اسىرۋ جونىندەگى ءىس-شارالار;
2. يننوۆاتسيالىق ستراتەگيانى ىسكە اسىرۋ جونىندەگى ءىس-شارالار;
3. اۋماقتىق كلاستەردىڭ ادامي رەسۋرستارىنىڭ ستراتەگياسىن ىسكە اسىرۋ جونىندەگى ءىس-شارالار;
4. حالىقارالىق ىنتىماقتاستىقتى دامىتۋ ستراتەگياسىن ىسكە اسىرۋ جونىندەگى ءىس-شارالار;
5. اۋماقتىق كلاستەردى باسقارۋ جانە دامىتۋ ستراتەگياسىن ىسكە اسىرۋ جونىندەگى ءىس-شارالار;
6. وزگە دە ءىس-شارالار.
ءاربىر ءىس-شارا ءۇشىن مىنالار ايقىندالۋعا ءتيىس:
1. ناقتى ناتيجەگە قول جەتكىزۋگە باعىتتالعان تۇجىرىمداما;
2. ءىس-شارانى ىسكە اسىرۋدىڭ ارالىق جانە تۇپكىلىكتى تىكەلەي ناتيجەلەرى;
3. ورىنداۋشىلار;
4. جىلدار بويىنشا قارجىلاندىرۋ كولەمى;
5. قارجىلاندىرۋ كوزدەرى;
6. ىسكە اسىرۋدىڭ ۋاقىت كەزەڭى;
7. ناقتى ءىس-شارا باعىتتالعان ماقساتتى توپ;
8. ءىس-شارانىڭ ناتيجەلىلىگىن باعالاۋ تەتىگى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12619 بولىپ ەنگىزىلدى.